Венгрия парламенті елдің Халықаралық қылмыстық соттан (ХҚС) бір жыл ішінде шығуын көздейтін заң жобасын мақұлдады. Премьер-министр Виктор Орбанның үкіметі бұл сотты "саяси сипат алған құрылым" деп бағалады.

ХҚС Тарап мемлекеттер Ассамблеясының төрағалығы Венгрияның бұл қадамына байланысты алаңдаушылығын білдірді.

Нетаньяхуды тұтқындау

Халықаралық қылмыстық соттың құрылтайшы мүшелерінің бірі болып табылатын Венгрия 2001 жылы соттың негізін қалаушы құжатты ратификациялағанымен, бұл заң әлі күшіне енген жоқ.

ХҚС-тан шығуға қатысты заң жобасы сейсенбі күні парламентте дауысқа салынып, 134 депутат қолдап, 37-сі қарсы шыққаннан кейін қабылданды.

Премьер-министрдің орынбасары Жольт Шемьен парламентке ұсынған заң жобасында
«Венгрия халықаралық ұйымдардың, әсіресе қылмыстық соттардың саяси ықпал құралы ретінде пайдаланылуын қабылдамайды», – деген жолдар жазылған.

Израиль Премьер-министрі Беньямин Нетаньяху Венгрияның ХҚС-тан шығу шешімін «батыл әрі қағидалы шешім» деп атады.