Израильдік шенеунік Мекке ортақ қорғаныс келісіміне қол қойған Сауд Арабиясы, Пәкістан және Түркияның Израильге қарсы біріккенін алға тартты.
Аты-жөнін жарияламай «Yedioth Ahronot» газетіне сұхбат берген израильдік шенеунік үш ел 7 тамызда қол қойған Мекке ортақ қорғаныс келісіміне қатысты: «Бұл келісім бізді алаңдатады. Бұл — Израильге қарсы құрылған одақ», – деді.
Ол Мекке ортақ қорғаныс келісімі аймақтағы ауқымды өзгерістердің көрінісі екенін айтып, «Израиль Грекия және Кипрмен қалыптасқан ынтымақтастықты негізге ала отырып, Үндістан және Біріккен Араб Әмірліктерімен де жаңа одақ құруы қажет», - деді.
Шенеунік Израильдің «өте, өте мықты» болуы және басқа елдерді өзіне тәуелді етуі қажет екенін айтып, осы мақсатта елге әскерді ауқымды түрде күшейту бағдарламасы керек екенін мәлімдеді.
Израиль Түркияны қауіп көзі деп санайды
Шенеунік Түркия мен президент Режеп Тайып Ердоғанның Израиль үшін қауіп төндіріп отырғанын алға тартып: «Түркия мен Ердоған мәселесі қауіпті», – деді.
Израильдің Диаспора істері жөніндегі министрі Чикли де Мекке ортақ қорғаныс келісіміне алаңдаушылық білдіріп, Сауд Арабиясының Түркиямен бірге әрекет ете бастауын Израиль үшін «өте қауіпті бетбұрыс» деп бағалаған еді.
