Вьетнам үкіметі жасанды интеллект саласындағы адам ресурстарын нығайту мақсатында 2030 жылға қарай осы салада кемінде 10 мың білікті маман даярлауды жоспарлап отырғанын хабарлады.
«Vietnam News» газетінің таратуынша, премьер-министрдің орынбасары Ле Тьен Чау 2030 жылға дейін жүзеге асырылуы жоспарланған «Ұлттық жасанды интеллект адам ресурстарын дамыту бағдарламасын» бекітті.
Жасанды интеллект саласындағы адам ресурстары мен цифрлық трансформацияны нығайту мақсатында қолға алынған бағдарлама аясында жасанды интеллект жүйелерін әзірлеп, басқара алатын зерттеушілерден, инженерлерден және мамандардан құралған кемінде 10 мың қызметкерді даярлау көзделген.
Сонымен қатар басымдық берілген кейбір салаларда жасанды интеллектті қолдана алатын жоғары білімді (бакалавр және одан жоғары) кемінде 50 мың адамды оқыту және олардың қазіргі дағдыларын арттыру жоспарлануда.
