Израиль армиясына тиесілі 10 әскери техниканың Сирияның оңтүстігінде орналасқан Дера уалаятының батысындағы Абидин бөгеті маңындағы ауылға басып кіргені хабарланды.
Сирия мемлекеттік «Әл-Ихбария» телеарнасының хабарлауынша, Израильдің әскери техникалары басып алынған Голан жоталарына көршілес Дера уалаятының батысындағы Абидин бөгеті маңына кірген және бұл уақытта Израиль жойғыш ұшақтары аймақ аспанында төмен биіктікте ұшқан.
Хабарда Израиль басқыншы күштерінің аймақтағы егін алқаптарына оқ жаудырғаны және Абидин ауылының шығыс орамындағы үйлерде тінту-тексеру жұмыстарын жүргізгені атап өтілді.
Израиль 1974 жылы қол қойылған Күштерді ажырату туралы келісімге қарамастан, Сирияның оңтүстігіне басып кіру мен операцияларын жалғастыруда.
Дамаск әкімшілігі болса Израиль армиясының Сирия территориясынан толықтай шығуын және елдің егемендігіне құрмет көрсетілуін талап етуде.
