Жаңа Каир ауданындағы “Arabella Plaza” сауда орталығының бірінші қабатында орналасқан дүкенде гелий газы баллоны жарылып, өрт шықты.
Оқиға салдарынан 3 адам қаза тауып, 17 адам жарақат алды.
Мысыр Ішкі істер министрлігінің мәлімдемесінде жарылыс “Arabella Plaza” сауда орталығында болғаны, одан кейін шыққан шағын өртті азаматтық қорғаныс қызметкерлері бақылауға алғаны айтылды.
Жарылыс салдарынан маңайдағы кейбір дүкендердің витриналары да зақымданған.
Мысыр Бас прокуратурасы жарылыс болған дүкен иесін қамауға алу туралы нұсқау бергені хабарланды.
Бас прокуратура алғашқы тексеру барысында жарылыстың газ баллонынан болғаны анықталғанын және оқиғаның нақты себебін зерттеу үшін арнайы сарапшы тобы тағайындалғанын мәлімдеді.
Оқиғаға қатысты тергеу жалғасуда.
