Отбасы және әлеуметтік қызметтер министрлігі әйелдерге қатысты зорлық-зомбылықты әйелдің физикалық, жыныстық, психологиялық немесе экономикалық тұрғыдан зардап шегуіне әкелетін қасақана жасалған әрекеттер ретінде анықтайды. Мұндай зорлық-зомбылық үйде, жұмыс орнында немесе қоғамның кез келген жерінде болуы мүмкін.
Түркияда әйелдер зорлық-зомбылығымен күресудегі ұлттық саясат пен стратегияларды үйлестіру Отбасы және әлеуметтік қызметтер министрлігінің Әйел мәртебесі жөніндегі бас басқармасына жүктелген.
Осы мәселе бойынша министрліктің мамандандырылған қызмет бөлімшелері жұмыс істейді.
Зорлық-зомбылықтың алдын алу және мониторинг орталықтары (ŞÖNİM)
Зорлық-зомбылықтың алдын алу және мониторинг орталықтары ˗ зорлық-зомбылықтың алдын алу және қорғану шараларын тиімді жүзеге асыру мақсатында бақылау және қолдау қызметтерін көрсететін әлеуметтік қызмет ұйымдары.
Бұл орталықтарда зорлық-зомбылық құрбандарына психоәлеуметтік қолдау, құқықтық көмек, білім беру, медициналық және экономикалық қолдау, сондай-ақ әйелдерге арналған арнайы баспаналарға орналастыру сияқты қызметтер көрсетіледі.
Бұл орталықтар Түркияның 81 өңірінде 86 мекеме арқылы қызмет көрсетеді.
Әйелдерге арналған арнайы қонақүйлер
Әйелдерге арналған қонақүйлер ˗ зорлық-зомбылыққа ұшыраған әйелдер мен олардың балаларын қорғауды мақсат ететін тәулік бойы жұмыс істейтін әлеуметтік қызмет ұйымдары.
Бұл мекемелер баспанамен қатар, әйелдердің психоәлеуметтік және экономикалық мәселелеріне шешім табуына көмектесіп, олардың мықты болуына қолдау көрсетеді.
әйелдерге арналған министрлікке қарасты 112 қонақүй жұмыс істейді және осы қызметті пайдаланғысы келетіндер өтініштерін Зорлық-зомбылықтың алдын алу және мониторинг орталықтары арқылы бере алады.
Әлеуметтік қызмет орталықтарының зорлық-зомбылықпен күрес жөніндегі байланыс пункттері
Министрлік аудан деңгейінде Зорлық-зомбылықтың алдын алу және мониторинг орталықтарымен бірге қызмет көрсетіп, зорлық-зомбылық құрбандарына бағыт-бағдар беру мен кеңес беру қызметтерін ұсынатынын хабарлады. Осы аяда ел бойынша 432 байланыс нүктесі жұмыс істеп тұр.
Сондай-ақ құрбандарды қолдау жүйелері арқылы әйелдерге қатысты зорлық-зомбылықпен күресте жедел өтініш беру және шұғыл араласу мүмкіндігі қамтамасыз етілетіні де айтылды.
«Alo 183» ˗ Зорлық-зомбылықпен күрес желісі
Зорлық-зомбылық құрбандарына тәулік бойы (24/7) жүгіну мүмкіндігін ұсынатын «Alo
183» желісі арқылы шұғыл көмек, бағыт-бағдар беру және кеңес беру қызметтері көрсетіледі.
Әйелдерді қолдау («KADES») мобильді қосымшасы
«KADES» ˗ смартфондарға жүктелетін және тек әйелдердің пайдалануына арналған мобильді қосымша. Қосымшадағы «көмек сұрау» батырмасын басқаннан кейін, ең жақын құқық қорғау қызметкерлері жәбірленушінің орналасқан жеріне қысқа уақыт ішінде жетеді.
