Емине Ердоған әлеуметтік желіде жариялаған хабарламасында «15 шілде – ұлтымыздың қайсарлығымен жазылған абыройлы тойтарыс пен өлмес жеңістің аты. Ал бұл жеңістің аты – Түркия екені даусыз. Сол түні ержүректер танктерге қарсы келіп, оқтарға төтеп беріп, бөлінбейтін бірлік боп түнекке жол бермеді.
Тәуелсiздiктi өз жанымен қорғаған бұл игiлiктi ұстаным – туған жерге иманмен жазылған ерiктiң көрiнiсi. Осы ұлы бірлік пен ынтымақтың мәңгілік болуын тілей отырып, ардақты шейіттерімізді мейіріммен, ардагерлерімізді алғыспен еске аламын» деп жазды.
