Соңғы деректер бойынша, Малайзияның жеті штатында су тасқынынан жалпы 10 922 адам зардап шеккен.

Мемлекеттік “Bernama” агенттігінің хабарлауынша, елдің солтүстік-шығысындағы Келантан штатында бүгін таңертең 8 248 адамның зардап шеккені анықталған.

Билік өкілдерінің айтуынша, аймақтағы толассыз жауын-шашынның жалғасуына байланысты Келантандағы жағдай әлі де қауіпті.

Басқа штаттар да апатпен күресуде. Перлисте зардап шеккендер саны алдыңғы түнде 35 отбасынан 114 адам болса, бүгін таңертең 243 отбасынан 811 адамға дейін көбейді.

Пинангта да зардап шеккендер саны 242 адамға жетті.

Селангор да апатқа байланысты жедел әрекет пен көмек көрсетуді қажет ететін аймақтардың тізіміне енгізілді.