Жаңа Зеландияның Крайстчерч қаласындағы екі мешітке жасалған лаңкестік шабуылдың алтыншы жылдығындаТүркия исламофобия мен мұсылмандарға қарсы өшпенділікпен күреске деген маңызды шешімін атап өтті.
Сыртқы істер министрлігі сенбі күні Халықаралық исламофобияға қарсы күрес күніне орай жасаған мәлімдемесінде «Түркия исламға деген өшпенділікпен күресуге бағытталған барлық бастамаларды қолдауға дайын»,– деп мәлімдеді.
Мәлімдемеде исламофобия тек мұсылмандар үшін ғана емес, сонымен қатар халықаралық бейбітшілік пен әлеуметтік үйлесімге үлкен қауіп төндіретіні айтылды. Шабуылда қаза тапқан 51 адам құрметпен еске алынды.
«Ислам құндылықтарына жасалып жатқан шабуылдар халықаралық қауымдастықтың исламға қарсы өшпенділікке қарсы күресті күшейту қажеттігін көрсетеді», – деп мәлімдеді министрлік.
2019 жылдың 15 наурызында австралиялық ақ нәсілді үстемшіл лаңкес Брентон Таррант Крайстчерч қаласындағы Әл-Нұр мешіті мен Линвуд Ислам орталығында 51 адамды өлтіріп, 40 адамды жарақаттады.
2020 жылы Таррантты шартты түрде мерзімінен бұрын босату мүмкіндігінсіз өмір бойына бас бостандығынан айыруға үкім шығарылды, бұл арал елінде алғаш шығарылған ауыр үкім болатын.
