«Магриб Сумуд» керуені Жерорта теңізінде кемелерінің үстінен белгісіз үш дронның айналып жүргенін мәлімдеді.

Керуеннің өкілі Уаэль Науар жексенбі күні “Facebook”-та жариялаған хабарламасында:
«Үш дрон үстімізден ұшып жүр, олардың бірі өте жақындады», - деді.

Науардың айтуынша, тағы бір дрон Тунис кемелерінің бірі «Дейр Ясиннің» үстінен байқалған. Сондай-ақ ол сенбі күні де ұқсас ұшқышсыз ұшақтың әрекеті тіркелгенін қосты.

Солтүстік Африкадан шыққан 23 кемеден тұратын «Магриб» керуені Еуропа, Латын Америкасы, АҚШ, Пәкістан, Үндістан және Малайзиядан келген шамамен 50 кемені қамтитын «Жаһандық Сумуд» флотилиясының бір бөлігі. Флотилия — Газаға жетуді көздеген ең ірі бастама.

Газада 2,4 миллион палестиналық 18 жылдан бері Израильдің қоршауында геноцид жағдайында өмір сүріп келеді. Израиль бұған дейін Газаға бағытталған кемелерді тоқтатып, тәркілеп, ішіндегі адамдарды елден шығарған еді.

Жақында Израильдің Газада геноцид жасап жатқанын анықтаған БҰҰ зерттеушілері 2023 жылғы қазан айынан бері аймақта 65 мыңнан астам адамның қаза тапқанын хабарлады.