Израиль күштері палестиналықтарды Әл-Халил маңындағы Кармей-Цур қонысына шабуыл жасамақ болды деп айыптап, басып алынған Батыс Шерияда екі палестиналықтың өлтірілгенін растады.
Мәлімдемеге сәйкес, 636-бөлімшенің сарбаздары заңсыз қоныс маңында палестиналықтарға оқ жаудырып, екі адамды өлтірген. Тағы бір адамды жаралаған.
Израиль күштері палестиналықтардың сарбаздар оқ атқанға дейін қоныс аумағына Молотов коктейльдерін лақтырғанын алға тартты. Сондай-ақ Израиль күштері тарапынан зардап шеккендер болмағаны хабарланды.
Мәлімдемеге сәйкес, Израиль күштері аймақта күдіктілерді анықтау мақсатында іздестіру операцияларын бастады.
Адам шығыны артуда
Израиль күштері оқиға кезінде өрт сөндіру қызметкерлері заңсыз қоныс маңында шыққан өртті сөндіргенін хабарлады.
Палестина тарапы оқиғаға қатысты әзірге ешқандай мәлімдеме жасаған жоқ.
Израиль Батыс Шерияны 1967 жылдан бері оккупациялап келеді.
Оккупацияланған Шығыс Иерусалимнен бөлек, бұл аумақта шамамен үш миллион палестиналықпен қатар 500 мыңнан астам заңсыз израильдік қоныстанушы тұрады.
Жуырда Біріккен Ұлттар Ұйымы басып алынған Батыс Шерияда заңсыз қоныстанушылар жасаған зорлық-зомбылық оқиғалары рекордтық деңгейге жеткенін мәлімдеді.
