Кремль Ресей президенті Владимир Путиннің Украина президенті Владимир Зеленскиймен кездесуге дайын екенін, алайда бұл тек бейбіт келісімдерді түпкілікті аяқтау мақсатында ғана мүмкін болатынын хабарлады.
Песков сәрсенбі күні “Вести” телеарнасына берген сұхбатында Путин Зеленскиймен кездесуге дайын екенін бірнеше рет мәлімдегенін айтты.
Песков көшбасшылардың не үшін бас қосатыны нақты болуы керек екенін атап өтті.
“Бұл бізге байланысты емес”
Зеленский болса, сәрсенбі күні журналистерге берген мәлімдемесінде Украинаның кез келген уақытта, кез келген форматтағы келіссөздерге дайын екенін, алайда келіссөздердің қайта басталуы өздеріне байланысты емес екенін айтты.
Ол келіссөздер өткізу үшін басымдық берілетін елдер бұған дейін бұл келіссөздерді өткізген орындар екенін айтып, әсіресе Түркия мен Таяу Шығысты атады.
Президент әкімшілігі де Түркия президенті Режеп Тайып Ердоғанның НАТО Бас хатшысы Марк Рюттемен кездесуінде Анкараның Ресей мен Украина арасындағы келіссөздерді қайта жандандыру және екі ел көшбасшысын бір үстел басына жинау үшін күш салып жатқанын айтқанын еске салды.
Зеленский Ресей мен Беларусьтен басқа кез келген елде, кез келген уақытта кездесуге дайын екендерін айтып, үшжақты кездесуді қайта бастау қажет екенін атап өтті.
АҚШ-тың арағайындығымен Ресей мен Украина арасында бірнеше рет бейбіт келіссөз өткізілген еді, алайда Ирандағы соғыс бұл үдерісті тоқтатты.
