Польша премьер-министрі Дональд Туск сәрсенбі күні жасаған мәлімдемесінде елдің әртүрлі аймақтарында диверсия әрекеттерін жасауға дайындалды деген күдікпен сегіз адамның қауіпсіздік күштері тарапынан ұсталғанын хабарлады.

Ресми мәліметтерге қарағанда, Польша ұзақ уақыттан бері Ресейдің «гибридтік соғыс»
тактикасының шеңберінде өртеу мен кибершабуыл сияқты әрекеттер арқылы нысанаға алынып келеді. Алайда Ресей бұл айыптауларды жоққа шығаруда.

Туск «X» платформасындағы жазбасында: «ABW» (ішкі қауіпсіздік қызметі) басқа да органдармен бірлесіп, соңғы күндері елдің әртүрлі өңірлерінде диверсия жасауды жоспарлаған сегіз күдіктіні ұстады. Зерттеу жұмыстары жалғасып жатыр», - деп жазды. Алайда  егжей-тегжейлі мәлімет бермеді.

Арнайы қызметтерді қадағалайтын министр Томаш Шемониак «X» парақшасында: «Бүгінгі таңда біздің жұмысымыз - әскери нысандар мен маңызды инфрақұрылым элементтеріне қатысты барлау әрекеттерін, диверсия жасау үшін құрал-жабдықтар дайындауды және шабуылдардың тікелей орындалуына қатысты ықтималдықтарды зерттеуді қамтиды», -  деп мәлімдеді.