Түркия Статистика институты мен Сауда министрлігінің ынтымақтастығымен дайындалған шілде айындағы сыртқы сауданың уақытша деректері жарияланды.

Оған сәйкес, Жалпы сауда жүйесі аясында экспорт шілде айында өткен жылдың сол айымен салыстырғанда 2,9 пайыз өсіп, 25 миллиард 623 миллион долларға, ал импорт 5,1 пайыз артып, 32 миллиард 966 миллион долларға жетті.

Сыртқы сауда тапшылығы шілдеде жылдық есеппен 13,6 пайыз көбейіп, 6 миллиард 463 миллион доллардан 7 миллиард 343 миллион долларға дейін өсті.

Экспорттың импортты жабу көрсеткіші 2025 жылдың шілдесінде 79,4 пайыз болса, өткен айда 77,7 пайызға дейін төмендеді.

Қаңтар-шілде аралығында экспорт өткен жылдың сәйкес кезеңімен салыстырғанда 3,4 пайыз өсіп, 161 миллиард 539 миллион долларды, ал импорт 4,7 пайыз артып, 222 миллиард 85 миллион долларды құрады.