Бірлескен мәлімдемеге сәйкес, Түркия мен АҚШ делегациялары Сириядағы «ортақ басымдықтарды» талқылады. АҚШ, Сирияға байланысты жұмыс тобының алғашқы кезеңінде сейсенбі күні Түркияны қабылдады. Отырыста Түркия делегациясына Сыртқы істер министрінің орынбасары Нух Йылмаз, АҚШ делегациясына АҚШ Мемлекеттік хатшысының орынбасары Кристофер Ландау жетекшілік етті. Кездесуге Түркияның АҚШ-тағы елшісі Седат Өнал мен АҚШ-тың Түркиядағы елшісі Томас Баррак та қатысты.

Бірлескен мәлімдемеге қарағанда, Түркия президенті Режеп Тайып Ердоған мен АҚШ президенті Дональд Трамп атап өткендей Түркия мен АҚШ Сириядағы тұрақтылық пен қауіпсіздік саласындағы ынтымақтастық және координацияны арттыруға бел байлады.

Мәлімдемеде «Америка Құрама Штаттары мен Түркия тұрақты, көршілерімен бейбіт қарым-қатынаста және миллиондаған сириялық босқынның үйлеріне оралуына мүмкіндік беретін Сирия туралы көзқарасын бөлісті» делінген.

Мәлімдемеде «Террор ұйымдарына қауіпсіз баспана ұсынбаған, тұрақты және біртұтас Сирия аймақтық қауіпсіздік пен өркендеуді қолдайтын болады» деп екі ел де Сирияның аумақтық тұтастығын сақтаудың маңыздылығына тоқталған.