Ирактың премьер-министрі Әли әз-Зейди Тегеранға жасаған сапары аясында Иран президенті Масуд Пезешкиянмен кездесті.

Иран президенті әкімшілігінің мәлімдемесіне сәйкес, ресми сапармен Тегеранға келген Ирак премьер-министрі Зейди Пезешкиянмен кездесті.

Кездесу барысында тараптар екі ел арасындағы тарихи, мәдени, діни және халықтар арасындағы байланыстар стратегиялық әріптестікті дамыту үшін маңызды негіз екенін атап өтіп, бұл байланыстарды сақтау мен нығайтудың маңыздылығына тоқталды.

Пезешкиян мен Зейди Иран мен Ирак арасында бұған дейін қол қойылған келісімдердің толық көлемде жүзеге асырылуы екіжақты қатынастарды дамыту және ортақ мүдделерді қамтамасыз ету тұрғысынан аса маңызды екенін айтты.

Тараптар сондай-ақ саяси, экономикалық, сауда, транзиттік тасымал, энергетика және өңірлік ынтымақтастық салаларындағы қолда бар ортақ әлеуетті барынша тиімді пайдалану қажеттігіне назар аударды.

Келіссөз барысында Тегеран мен Бағдад арасындағы қатынастарды барлық бағыт бойынша дамыту екі елдің тұрақтылығы, қауіпсіздігі мен әл-ауқатына оң ықпал ететіні, сондай-ақ өңірлік ынтымақ пен өзара іс-қимылды нығайтатыны атап өтілді.

Биыл 14 мамырда премьер-министр қызметіне кіріскен Зейди алғашқы шетелдік сапарын өткен айда Америка Құрама Штаттарының астанасы Вашингтонға жасаған болатын.