Сыртқы істер министрі Хакан Фидан Біріккен Араб Әмірліктерінде (БАӘ) ел президенті Мұхаммед бен Заид Әл Нахаянның қабылдауында болды.

Министр Фидан «Nsosyal» әлеуметтік желісіндегі парақшасында Нью-Йоркте Біріккен Ұлттар Ұйымы Бас Ассамблеясының 81-сессиясы аяқталғаннан кейін бірден БАӘ-ге барғанын хабарлады.

Фидан ел астанасы Әбу-Дабиде БАӘ президенті Әл Нахаянның қабылдауында болғанын, сондай-ақ БАӘ вице-президенті Мансур бен Заид Әл Нахаян және Ұлттық қауіпсіздік жөніндегі кеңесші Тахнун бен Заид Әл Нахаянмен кездесулер өткізгенін мәлімдеді.

Хакан Фидан кездесулер туралы былай деді: «Бұл сапар екі ел арасындағы қарым-қатынасты талқылау және өңіріміз бетпе-бет келіп отырған мәселелерді бағалау тұрғысынан өте нәтижелі болды. Түркия ретінде өңірлік ынтымақтастықты нығайтуға және аймағымыздың тыныштығы мен әл-ауқаты үшін дипломатиялық байланыстарымызды жалғастыра береміз».