Ұлыбритания Сыртқы істер министрі э Анкарада Түркия Сыртқы істер министрі Хакан Фиданмен кездесіп, баспасөз мәслихатын өткізді. Ол баспасөз мәслихатында Түркияның аймақтық рөлін жоғары бағалады.
Дүйсенбі күнгі мәлімдемесінде Лэмми Ұлыбритания мен Түркия арасындағы тығыз дипломатиялық қарым-қатынастарға тоқталып, бұл қарым-қатынастың диалог, стратегиялық теңдік және терең мәдени байланыстар негізінде құрылғанын атап өтті.
Лэмми Ұлыбритания-Түркия қарым-қатынастарының күші мен жиілігіне тоқталып, «Қызметтегі 12 ай ішінде министр Хакан Фиданды көрмеген немесе онымен сөйлеспеген айым болған жоқ, біз бірнеше рет сөйлестік», - деді.
Лэмми жыл сайынғы сауда көлемі 28 миллиард фунт стерлингке (38,4 миллиард доллар) негізделген жаңа Еркін сауда келісімі бойынша жалғасып жатқан келіссөздерге де тоқталды. Сондай-ақ осы жылы Түркияға саяхаттайтын шамамен бес миллион Ұлыбритания азаматы мен түрік тілді қауымның болуын халықтар арасындағы байланыстың дәлелі ретінде атады.
«Түрік өнеркәсібі мен бизнес әлемінің көбінесе Ұлыбританияда орналасып, серіктестік негізінде жұмыс істеуі - осы мықты іскерлік қатынастардың дәлелі», - деді Лэмми.
Түркияның Украина, Газа және Сириядағы рөлі
Лэмми Түркияның Украинада бейбітшілік орнату және Ресей агрессиясына қарсы тұру әрекеттерін жоғары бағалап, Анкараның Қаратеңіз аймағын тұрақтандыру және көптен күткен атысты тоқтатуға бағытталған күш-жігеріне тоқталды.
Украинадағы бейбіт тұрғындар мен ресейлік әскерлердің шығындарына тоқталған Лэмми «Мен Түркияның бейбітшілікті қамтамасыз ету және адам шығынын тоқтату үшін жасаған жұмысына өте ризамын», - деді.
Газа мәселесінде екі елдің гуманитарлық дағдарысқа қатысты ортақ алаңдаушылығын білдіріп, екі мемлекетті шешімді жақтайтындарын қайталады. Лэмми Ұлыбритания Түркияның аймақтық қауіпсіздік саласындағы ынтымақтастығын жоғары бағалайтынын атап өтіп, келіссөздерде Сирияның да талқыланғанын растады.
«Өте жақын іскерлік қарым-қатынасымыз бар және қиын әрі күрделі геосаяси кезеңде Ұлыбритания мен Түркия арасында одан әрі тығыз ынтымақтастықты көретін боласыздар деп ойлаймын»,- деді Лэмми.
