Бессент “CBS” арнасының “Face the Nation” бағдарламасында: “Біз соңғы келісімге келдік. Мадридте келісімге қол жеткіздік, бүгін барлық егжей-тегжей толық айқындалды. Екі көшбасшы бейсенбі күні Кореяда келісімді аяқтайды,” - деді.
Ол өзінің келісімнің коммерциялық бөлігіне қатыспайтынын, бірақ Қытайдың ресми мақұлдауын алу үшін келіссөз жүргізгенін және бұл мақсатқа жеткеніне сенімді екенін атап өтті.
АҚШ пен Қытайдың жоғары лауазымды өкілдері жексенбі күні Малайзияда сауда мәселелерін талқылау үшін кездесті. Бұл кездесу Трамптың үш елді қамтитын Азия туры қарсыңында өтті.
Трамп пен Си Цзиньпин 30 қазанда Оңтүстік Кореяда өтетін Азия-Тынық мұхиты экономикалық ынтымақтастық саммиті аясында жүздеседі.
Өткен айда Трамп “TikTok” желісінің АҚШ-та америкалық инвесторлармен жаңа құрылымда жұмыс істеуіне рұқсат беретін жарлыққа қол қойған, бірақ келісімнің нақты шарттары әлі жарияланған жоқ.
