Ақау зымыран ұшырудың үшінші кезеңінде тіркелген.

“ISRO” төрағасы С. Нарраянан жексенбі күні жасаған мәлімдемесінде “PSLV-C61” зымыран тасығышының үшінші кезеңінде қысым деңгейінің төмендегенін, бұл жағдайдың миссияның орындалуына кедергі келтіргенін айтты.

Жергілікті “ANI” агенттігінің хабарлауынша, Нарраянан былай деген: «Бүгін “PSLV-C61”-ді ұшырдық. Бұл — төрт кезеңді құрылым. Алғашқы екі кезең жоспарға сай өтті. Алайда үшінші кезең кезінде бір ауытқу тіркелді және миссия орындалмады.»
Ол сондай-ақ: «Талдаудан кейін біз міндетті түрде ораламыз»- деп қосты.

Үшінші сәтсіздік

“EOS-09” деп аталатын Жерді бақылау спутнигі жексенбі күні таңертең Үндістанның оңтүстігіндегі Андхра-Прадеш штатындағы Шрихарикота қаласындағы Сатиш Дхаван ғарыш орталығынан ұшырылды.

Бұл “ISRO”-ның Полярлық спутник ұшыру көлігі (PSLV) миссияларындағы үшінші техникалық ақауы. Алғашқысы 1993 жылы тіркелген болатын.

Үндістан 1960-жылдардан бері өзіне және басқа елдерге арналған спутниктерді сәтті ұшырып келеді. 2014 жылы ел Марс орбитасына спутник орналастырды. Ал 2023 жылының тамыз айында Үндістан Ай бетіне автоматтандырылған ғарыш аппаратын қондырған Ресей, АҚШ және Қытайдан кейінгі төртінші ел болды.