Жергілікті бұқаралық ақпарат құралдарының хабарлауынша, Сеутаға заңсыз өтпек болған мигранттардың 18-і көз жұмған.
Соңғы бір апта ішінде Мароккодан Сеутаға, негізінен жүзіп өту арқылы, шамамен 1 500 адам жеткен. Алайда ресми деректер әлі жарияланған жоқ.
Бұған дейін Мароккодағы Кастильехос жағалауынан Испанияның Солтүстік Африкадағы аумағы саналатын Сеутаға жүзіп өтпек болған 800-ден астам заңсыз мигранттың әрекетіне тосқауыл қойылған еді.
Испания премьер-министрі Педро Санчес оқиғаға байланысты үкімет барлық ресурсты жұмылдырғанын білдірді.
Испания үкіметі Сеутаға заңсыз көшу әрекеттерінің көбеюіне байланысты қауіпсіздікті қамтамасыз ету мақсатында өңірге қарулы күштерді орналастыру туралы шешім қабылдаған болатын.
