Израиль күштерінің атысты тоқтату келісіміне қарамастан Газа секторына жасаған шабуылдарынан соңғы 24 сағатта 3 адам қаза тапты.

Газа секторындағы Денсаулық сақтау министрлігі жазбаша мәлімдеме жасап, Израильдің 2023 жылдың қазанынан бері жүргізіп келе жатқан шабуылдарынан қаза тапқандар мен жараланғандар туралы соңғы мәліметтерді жариялады.

Министрліктің мәліметінше, атысты тоқтату келісіміне қарамастан Израиль шабуылдары жалғасып жатқан Газа секторында соңғы тәулікте 3 адам қаза тауып, 21 адам жараланған.

2025 жылдың 10 қазанында атысты тоқтату келісімі күшіне енгеннен бері Израиль шабуылдарынан 1602 адам қаза тауып, 5 мың 794 адам жараланған. Сондай-ақ үйінділер астынан 847 адамның мәйіті шығарылған.

Ал 2023 жылдың қазан айынан бері Израильдің Газа секторына жасаған шабуылдарынан қаза тапқандардың жалпы саны 74 мың 618-ге, жараланғандар саны 175 мың 920-ға жеткені хабарланды.

Газа секторында мыңдаған адамның мәйіті үйінді астында қалған.