Батыс Фракия түрік қоғамының өкілдері Искечедегі Чынар мешітінің сыртқы қабырғасына ислам діні мен қасиетті құндылықтарды қорлайтын сөздердің жазылуына наразылық білдірді.
Гүмүлжине мүфтиятының мәлімдемесінде шабуыл айыпталып, соңғы уақытта Батыс Фракиядағы мұсылман түрік азшылығының діни және мәдени құндылықтарына қатысты жағымсыз пікірлердің көбейгені атап өтілді. Сондай-ақ мұндай әрекеттердің татулыққа нұқсан келтіретіні айтылды.
Искече депутаты Бурхан Баран жазбаша мәлімдемесінде ғибадат орындарын қорлауға жол берілмеуі керек екенін айтты.
Баран шабуыл жасағандардың анықталып, оларға қатысты тиісті шаралардың қолданылуын талап етті.
Искече депутаты Хүсейін Зейбек те бұл әрекетті арандатушылық деп бағалап, жауаптыларды мүмкіндігінше тез анықтауға шақырды.
Түркияның Гүмүлжинедегі бас консулы Айкут Үнал да Чынар мешітіне барып, қандастарға қолдау білдірді.
Искечедегі Чынар мешітінің кіреберіс бөлігіндегі сыртқы қабырғаға 13 қыркүйек жексенбі күні белгісіз біреулер ислам діні мен Аллаға тіл тигізетін сөздер жазған. Оқиға белгілі болғаннан кейін Батыс Фракия түрік азшылығының өкілдері шабуылды айыптап, кінәлілердің табылуын талап етті.
