“Ресейдің әуе қорғаныс жүйелері сенбі күні таңертең Мәскеуге бағытталған үш украиналық дронды атып түсірді”, деп хабарлады Мәскеу мэрі Сергей Собянин.
Сергей Собянин “Telegram-да” дрондардың қалдықтары құлаған жерлерде тексеріліп жатқанын мәлімдеді. Сонымен қатар Ресей Қорғаныс министрлігі үш сағат ішінде оңтүстік аймақтар мен Қырымда 38 дронды ұстап, жойғанын хабарлады.
Украинаның арнайы күштері Покровскіде орналастырылды
Сонымен қатар екі украиналық әскери дереккөз жергілікті БАҚ-қа Киевтің осы аптада Покровск қаласына арнайы күштерді жібергенін айтты. Ресей күштері болса украиналық әскерлерді қоршауға алдық деп алға тартты.
Элиталық әскерлер ресейлік дрондардың бақылауында “Black Hawk” тікұшағымен жеткізілген, бұл операцияны Украинаның әскери барлау басшысы Кирило Буданов басқарған. Покровск маңызды көлік торабы ретінде Ресей Донецк аймағын толық бақылауға алуға ұмтылғандықтан, басты шайқас алаңына айналды.
Украина президенті Владимир Зеленский өзінің кешкі үндеуінде бұл шайқас туралы айтып, "Біз басқыншыны жоюды жалғастырамыз. Ең маңыздысы – ресейлік шабуылдарды мүмкіндігінше тоқтату," деді.
