Сирия президенті Ахмед Шара Сауд Арабиясы мен Түркияның өткен жылы еліне салынған санкцияларды алып тастау мәселесі бойынша араағайын болуға талпынғанын, сондай-ақ президент Режеп Тайып Ердоғанның бұл мәселені АҚШ билігімен талқылауға атсалысқанын айтты.
Сирия президенті Шара «Al Jazeera» телеарнасына сұхбат берді.
Шара АҚШ президенті Дональд Трамптың Сирияға қарсы санкцияларды алып тастау үдерісінде маңызды рөл атқарғанын атап өтіп, Сауд Арабиясы мен Түркияның да осы мәселеге араағайын болғанын мәлімдеді.
Сирияға салынған санкциялардың басым бөлігі Башар Асад режимі жасаған қылмыстарға байланысты енгізілгенін айтқан Шара: «Бұрынғы режимнен құтылған Сирия халқына әлі де санкциялардың қолданылуы әділетсіз», – деді.
Шара «Цезарь заңының» күшін жоюмен қатар Сирияны 1979 жылы енгізілген «терроризмді қолдайтын мемлекеттер» тізімінен шығару да аса маңызды екенін атап өтті. Оның айтуынша, бұл үдеріс АҚШ Мемлекеттік департаменті мен Конгресінде жалғасып жатыр. Қарсылық білдіру мерзімі аяқталғаннан кейін шешім күшіне енеді.
