Украина күштері жасаған жазбаша мәлімдемеде Воронеждегі зауытқа жоғары дәлдіктегі қанатты зымырандармен соққы жасалғаны хабарланды.
Мәлімдемеде бұл кәсіпорында баллистикалық және қанатты зымырандарға, сондай-ақ әуе қорғанысы жүйелеріне арналған түрлі бөлшектер шығарылатыны айтылып, «Бұл кәсіпорын Ресейдің әскери-өнеркәсіп кешенінің аса маңызды нысандарының бірі» деп бағаланды.
Сондай-ақ Ресей күштері осы зауытта өндірілген электрондық компоненттері бар зымырандарды Украинаға қарсы әуе шабуылдарында пайдаланған.
Ресей: «Украинаның зымыран шабуылдарынан Воронеж қаласында 3 адам жарақат алды»
Воронеж облысының губернаторы Александр Гусев әлеуметтік желідегі парақшасында Украинаға тиесілі жоғары жылдамдықпен ұшқан бірнеше әуе нысанының жойылғанын, салдарынан 3 адамның жарақат алғанын мәлімдеді.
Гусевтің айтуынша, шабуыл салдарынан Воронеждегі бір өндірістік кәсіпорын мен бірнеше көпқабатты тұрғын үй зақымданған.
Кейбір әлеуметтік желілер бұл шабуылдың Ұлыбританияда жасалған «Storm Shadow» қанатты зымырандарымен жүзеге асырылғанын хабарлады.
