Түркия Жастар мен Білім беру қоры және Түркияның Энергетика және табиғи ресурстар министрлігі бірлесіп ұйымдастыратын «Энергия тиімділігі – болашаққа бағдар» тақырыбындағы фестивальде «TÜRGEV» арнайы көрме алаңын ашып, түрлі шеберлік сабақтарын өткізу арқылы экологиялық мәдениетті насихаттауға үлес қоспақ.

«Жер – баршамыздың ортақ үйіміз» ұстанымымен өтетін фестиваль барысында экологиялық сана, энергия тиімділігі, айналым экономикасы, қайта өңдеу, климаттық сауаттылық және тұрақты өмір салты тақырыптарында түрлі іс-шара ұйымдастырылады. «TÜRGEV» іс-шараға жастардың қоршаған орта мәселелеріне қатысты білімін арттыруға бағытталған тәжірибелік бағдарламалармен қатысады.

Қор алаңына келушілер нөлдік қалдық қағидаттарымен жақынырақ танысып, балалар мен жастарға арналған шеберлік сабақтары арқылы қайта өңдеу, ресурстарды тиімді пайдалану және экологиялық өмір салты жөнінде ақпарат алады.

Түркияның әртүрлі қаласында білім беру, жатақхана, мәдениет, өнер және әлеуметтік даму бағыттарында жұмыс жүргізіп келе жатқан «TÜRGEV» соңғы жылдары жастардың экология мен тұрақты даму мәселелеріне қызығушылығын арттыруға арналған жобаларға ерекше көңіл бөліп келеді.

Қор жастардың қатысуымен жүзеге асырылған орман жобасы аясында ондаған мың көшеттің отырғызылуына қолдау көрсетіп, жатақханалар мен білім беру орталықтарында нөлдік қалдық, қайта өңдеу және суды үнемдеу бағытында түрлі бағдарламаны іске асыруда.

Сонымен қатар «TÜRGEV» Түркия Ұлттық агенттігінің қолдауымен жүзеге асырылатын халықаралық жобалар аясында әртүрлі елдің жастарын экологиялық бастамалар төңірегінде біріктіреді. Қор ауыл шаруашылығы мен экология салаларындағы жобалар арқылы да қоршаған ортаны қорғауға үлес қосып келеді.

Құрылғанына 30 жыл толған «TÜRGEV»-тің басты мақсаты  ̶  фестиваль аясындағы іс-шаралар арқылы жастардың ресурстарды ұтымды пайдаланатын және тұрақты болашаққа үлес қосатын азамат болып қалыптасуына қолдау көрсету.