Түркия Еуропа Парламентінің (ЕП) 2023-2024 Түркия есебін қабылдамады және оны Анкараның ішкі және сыртқы саясатына қатысты «шындыққа жанаспайтын айыптауларға толы, бұрмаланған және біржақты құжат» деп сипаттады.
Сәрсенбі күні Сыртқы істер министрлігі жариялаған мәлімдемеде Еуропа Парламентінің жиналысында қабылданған есепті сынап, бұл құжаттың «Түркияға қарсы көзқарасты өздерінің себебі ретінде танытқан террористік ұйымдар мен кейбір топтарға үгіт-насихат алаңдарын қамтамасыз ететін» мекеменің теріс пікірін көрсететінін айтты.
Мәлімдемеде «Террор ұйымдарына және Түркияға қарсы кейбір топтарға үгіт-насихат жүргізу іргетасын қалаған мекеменің еліміздегі саяси динамикаға, сыртқы саясатымызға және Президентіміздің Солтүстік Кипр Түрік Республикасына сапарына қатысты негізсіз сөздерін жоққа шығарамыз» делінген.
Министрлік сондай-ақ Еуропарламентті, әсіресе Түркияның Еуроодаққа мүшелігінің ұзақ жылдарға созылған үдерісі аясында конструктивті және теңгерімді көзқарасты қабылдауға шақырды.
Мәлімдеменің жалғасында «Алдағы кезеңде одаққа ену үдерісімізбен бірге ЕО-мен қарым-қатынастарымыздың өзара тиімділік негізінде жалғасуын қамтамасыз етуде Еуропа Парламент өз үлесін қосады деген үміттеміз» делінген.
