«Нью-Йорк Таймс» АҚШ-тың Сирияның солтүстік-шығысынан жүздеген әскерін шығара бастағанын хабарлады.

Газет АҚШ-тың екі жоғары лауазымды билік өкілінің сөзіне сілтеме жасап,  бейсенбі күні әскерилер солтүстік-шығыстағы сегіз шағын операциялық базасының үшеуін жауып, әскер санын 2000-нан 1400-ге дейін қысқартқанын хабарлады.   АҚШ қолбасшылары 60 күн ішінде қосымша қысқартуларды талқылайды. Бір билік өкілінің мәлімдемесіне қарағанда қолбасшылар Сирияда кем дегенде 500 әскер қалдыруды ұсынады.

Мақалада президент Дональд Трамптың АҚШ әскерлерінің Сирияда қалуына қатты күмәнданатыны айтылған. Трамп қаңтар айының соңында жасаған мәлімдемесінде америкалық күштердің шығарылатыны туралы есептен кейін «Біз Сириядағы әскерлерге баға береміз»,- деген болатын.

«Кім айтқанын білмеймін, бірақ біз бұл мәселеге баға береміз», - деді Трамп.

Трамп Ақ Үйде журналистерге «Біз Сирияға араласып жатқан жоқпыз. Сирия өз күнін өзі көрсін. Ол жақта жағдай күрделі. Оған бізді араластырудың қажеті жоқ», - деді.

«Нью-Йорк Таймс» газеті қазір жүргізіліп жатқан қысқартулар дала командирлерінің базаларды жабу және нығайту жөніндегі ұсыныстарына негізделгенін және Пентагон мен Орталық қолбасшылық тарапынан  мақұлданғанын хабарлады.