Түркия Ұлттық қорғаныс министрлігінің Баспасөз және қоғаммен байланыс жөніндегі кеңесшісі әрі министрлік өкілі Зеки Актүрік: «YPG-нің таратылуы және Сирияның мемлекеттік құрылымдарына біріктірілуі — Сирияның егемендігі мен аумақтық тұтастығын сақтау, сондай-ақ «бір мемлекет, бір армия» қағидатын нығайту тұрғысынан маңызды қадам», — деді.
Зеки Актүрік бұл туралы апта сайынғы баспасөз брифингінде мәлімдеді.
Ол YPG-нің таратылуы мен мемлекеттік құрылымдарға бірігуіне қатысты өзгерістердің оң қабылданғанын атап өтті.
«Түрік Қарулы күштері Сирияда қалыптасқан оң үдерістің бүкіл елге таралуына, тұрақтылықтың орнығуына және Сирия армиясының әсіресе терроризммен күрес саласындағы әлеуетін арттыруға бағытталған қолдауын қолданыстағы әскери ынтымақтастық туралы келісім аясында жалғастыра береді», — деді Актүрік.
