Португалия Палестина мемлекетін ресми түрде мойындады. Бұл туралы елдің Сыртқы істер министрі жексенбі күні Нью-Йоркте мәлімдеді.
Сыртқы істер министрі Паулу Ранжел бұл мәлімдемені Нью-Йорктегі Португалияның Тұрақты Өкілдігінде жариялады.
Ранжел барлық тұтқындарды босатуға, қақтығыстарды тоқтатуға және Газа секторында атысты тоқтату режимін орнатуға шақырды.
Оның айтуынша, бұл шешім 18 қыркүйекте Министрлер Кеңесінің мақұлдауынан кейін қабылданған, оған президент пен парламенттегі көптеген партия қолдау білдірген.
Президент Марселу Ребелу де Соза үкіметтің бұл қадамын толық қолдайтынын бұған дейін мәлімдеген болатын.
Бұл мәлімдеме Ұлыбритания, Канада және Австралияның Палестина мемлекетін ресми түрде мойындағаны туралы хабардан бірнеше сағат өткен соң жарияланды.
Франция, Люксембург және Мальта да келесі аптада БҰҰ Бас Ассамблеясы кезінде осындай қадам жбасатынын растаған болатын.
