Ресейде “Telegram”-ның негізін қалаушы Павел Дуровқа «террорлық қызметке жәрдемдесу» айыбы бойынша тергеу жүргізіліп жатқаны хабарланды. Мемлекеттік “Российская газета” бұл ақпаратты Ресей Федералдық қауіпсіздік қызметінің дереккөздеріне сілтеме жасап жариялады.
Аталған хабарға байланысты Дуровпен дереу байланыс орнату мүмкін болмаған. Ал “Telegram” қосымшаның қылмыстық әрекеттер үшін паналау орнына айналғаны және оған Батыс пен Украина барлау қызметтері тарапынан ену болғаны жөніндегі соңғы күндері Ресей тарапы алға тартқан айыптауларды жоққа шығарған еді.
Ал Мәскеу билігі ресейліктерді шамамен бір жыл бұрын іске қосылған және мемлекет қолдайтын “MAX” атты қосымшаны қолдануға ынталандыруға тырысып отыр.
