Түркия президенті Режеп Тайып Ердоған сенбі күні Лефкошада өткен «TEKNOFEST» фестивалінде сөйлеген сөзінде Түркияның ұшқышсыз ұшатын аппарат  технологиясы бойынша әлемдегі алғашқы үш елдің қатарында екенін мәлімдеді.

Ол бұл салада табандылықпен және үлкен ынтамен алға жылжи беретіндерін баса айтты.

Болашаққа деген сенімін білдірген Ердоған «TEKNOFEST» жастары, Солтүстік Кипрдегі жобаларымыз бен стратегиялық бастамаларымызбен ғасырлар бойы осында өмір сүруді жалғастырамыз» деді.

Түркияның Солтүстік Кипр Түрік Республикасымен (СКТР) берік қарым-қатынасын тағы да қуаттап, "Біз түрік ұлты және кипр түріктері - бұл жерлердің иесіміз. Мұны білмейтіндер білсін, естімегендер естісін" деді.

СКТР президенті Ерсін Татар Түркияның қорғаныс өнеркәсібіндегі жетістіктерін жоғары бағалап, «Түркияның ұлттық қорғаныс өнеркәсібіндегі соңғы жетістіктерінің артындағы мекемелер - бүкіл түркі әлемінің мақтанышы» деді.

Түркияның жетекші технология, авиация және ғарыш іс-шарасы «TEKNOFEST» фестивалінің биылғы шарасы Солтүстік Кипрде өтті.