Түркия президенті Режеп Тайып Ердоған палестиналықтарға көрсеткен гуманитарлық көмегі және Газадан медициналық эвакуациялар ұйымдастырудағы рөлі үшін ДДСҰ-ның Еуропа сыйлығын алды. Сыйлықты Анкарада өткен 11-ші Түрік медицина әлемі конгрессінде ДДСҰ Еуропа аймақтық директоры Ханс Клюге табысталды.
Ердоған шарада сөйлеген сөзінде соңғы екі жылда Газада ауруханалардың бомбалануына, медициналық қызметкерлер мен сәбилердің қаза болуына халықаралық қоғамдастықтың үнсіз қалғанын сынға алды. Ол адам өмірін қорғауды және жаңа туған әрбір нәрестенің амандығын қуанышпен қарсы алатын әлем құру үшін еңбектеніп жатқанын айтты.
Президент соңғы 23 жылда Түркияның денсаулық сақтау жүйесі түбегейлі жаңартылып, бүгінде 86 миллион адамға 1,47 миллионнан астам медицина қызметкері қызмет көрсететінін атап өтті. 794 жаңа аурухана салу арқылы төсек-орын саны айтарлықтай артты.
Зілзаладан зардап шеккен өңірлерде 109 денсаулық сақтау нысанының қалпына келтірілгенін, елдің денсаулық технологиялары мен медициналық өндірісті дамытуға басымдық беретінін атап көрсетті.
Түркия Президенті аппараты жанындағы Коммуникация басқармасы төрағасы Бурханеттин Дуран бұл марапаттың Түркияның Ердоған бастамасымен жүргізіп отырған гуманитарлық дипломатиясының айғағы екенін жеткізді.
