Сирияның Алеппо уәлаятының оңтүстік-батысындағы Әл-Эйс елді мекенінің батысында орналасқан Әл-Хадаба аймағында Сирия армиясына тиесілі әскери нысанда ауқымды жарылыстар болды.
Сирияның ресми «SANA» ақпарат агенттігінің хабарлауынша, алдын ала мәлімет бойынша, жарылыстар салдарынан 4 адам жарақат алған.
Құзырлы органдар жарылыстардың себебін анықтау үшін тексеру жұмыстарын бастаған.
Алеппо Төтенше жағдайлар және апаттарды басқару орталығының операциялар жөніндегі директоры Фейсал Мұхаммед Али жарылыстардың жалғасуына байланысты алғашқы кезде іздестіру-құтқару және медициналық топтардың оқиға орнына жетуде қиындыққа тап болғанын хабарлады.
Азаматтық қорғаныс жасақтары жараланған 4 адамды қауіпсіз жерге эвакуациялаған.
Бейбіт тұрғындардың қауіпсіздігін қамтамасыз ету және эвакуация жұмыстарын жеңілдету мақсатында маңайдағы үйлердің тұрғындары көшіріліп, аймақтық жолдар көлік қозғалысына жабылғаны хабарланды.
