Ұлыбритания Сыртқы істер министрі Дэвид Лэмми бірнеше апта ішінде Газа секторында атысты тоқтату келісіміне қол жеткізілмесе, Израильге қосымша санкциялар салуға дайын екендерін мәлімдеді.
Лэмми сейсенбі күні Парламент палатасының Сыртқы істер комитетінде Газадағы гуманитарлық жағдай нашарлай берсе, үкімет Израильге қарсы әрекет ететінін айтты.
Лейбористтер партиясының депутаты Алекс Баллингерін «Газада атысты тоқтату алдағы аптада орындалмаса... үкімет Израильге қарсы бұдан әрі әрекет ете ме?» деген сұрағына Лэмми: «Иә, әрекет етеміз», - деп жауап берді.
Лэммидің бұл мәлімдемесі өткен айда Ұлыбританияның Аустралия, Канада, Жаңа Зеландия және Норвегиямен бірге Газада «адам құқықтарының өрескел бұзылуы» деп сипатталған әрекеттері үшін Израиль министрлері Итамар Бен-Гвир мен Бецалель Смотричке қарсы сапарға шығуға тыйым салу және активтерін бұғаттау секілді санкциялар енгізгеннен кейін жасалды.
Лэмми лейбористер мен кәсіподақтар тарапынан қысым күшейіп жатқанына қарамастан, Палестина мемлекетін ресми түрде мойындаудың мерзімін айтпады.
Лэмми Ирландия, Испания және Норвегия сияқты елдер Палестинаны мойындаса да, Батыс Шерияда геноцид жалғасып жатқанын атап өтті. Палестинаны мемлекет ретінде мойындау бейбітшілік күш-жігерін ілгерілетпейтініне назар аударды.
Израильдің Газадағы қырғыны
Израиль 2023 жылдың қазан айынан бері Газа секторында геноцид жүргізіп келеді. Палестиналық дереккөздер 57 500-ден астам палестиналықтың қаза тапқанын, олардың басым бөлігі әйелдер мен балалар екенін хабарлады.
Палестинаның «WAFA» ресми ақпарат агенттігінің мәліметінше, шамамен 11 000 палестиналық үйінділер астында қалған.
Алайда сарапшылар нақты өлім саны Газа билігі жариялаған көрсеткіштен әлдеқайда жоғары болуы мүмкін дейді. Бұл көрсеткіш 200 000-ға жуық деген болжам бар.
Израиль қоршауда қалған Газа секторының ауқымды бөлігін қиратып, бүкіл халықты босқынға айналдырды.
Сондай-ақ Израиль Газаға гуманитарлық көмектің кіруіне тосқауыл қойып, БҰҰ-ның
көмек көрсету әрекеттерін тоқтату үшін құрылып, «өлім тұзағы» деп сипатталған АҚШ қолдайтын көмек тобына рұқсат берді.
