АҚШ Өкілдер палатасы “Meta” компаниясының “WhatsApp” хабар алмасу платформасын барлық мемлекеттік құрылғылардан пайдалануға тыйым салды. Бұл шешім дүйсенбі күні Палата қызметкерлеріне жіберілген меморандумнан кейін қабылданғанын бұқаралық ақпарат құралдары хабарлады.
«Киберқауіпсіздік кеңсесі “WhatsApp” қолданушылары үшін жоғары қауіп төндіреді деп есептейді, себебі пайдаланушы деректерін қорғау тәсілдері жеткілікті ашық емес, сақталған деректерді шифрлау жоқ және қолдану барысында қауіпсіздік қатерлері болуы мүмкін», – деп жазылған технологиялық алпауыттың әкімшілік басшысы жіберген меморандумда.
Палата меморандумы қызметкерлерге “Amazon.com-ның” “Wickr”, “Apple-дің” “iMessage” және “FaceTime”, сондай-ақ “Microsoft Corp”-тың “Teams” платформасы мен “Signal” сияқты басқа хабар алмасу қосымшаларын пайдалануды ұсынды.
“Meta” өкілі бұл шешімге «еш келіспейтінін» мәлімдеп, “WhatsApp” платформасының Палата меморандумында мақұлданған басқа қосымшаларға қарағанда қауіпсіздік деңгейі жоғары екенін айтты.
Қаңтар айында “WhatsApp” өкілі израильдік “Paragon Solutions” тыңшылық бағдарламалық жасақтама компаниясы журналистер мен азаматтық қоғам мүшелерін қоса алғанда, көптеген пайдаланушыны нысанаға алғанын мәлімдеген болатын.
2022 жылы Палата қауіпсіздік мәселелеріне байланысты “TikTok” әлеуметтік желісін барлық қызметкерлерге пайдалануға тыйым салған еді.
