Оқиға сейсенбі күні түн жарымынан кейін елдің солтүстігіндегі Гулу қаласына апаратын Кампала–Гулу тас жолында болды. Полицияның “X” платформасында хабарлауынша, екі автобус қарсы бағытта келе жатып, “бетпе-бет соқтығысқан.”
Мәлімдемеде жүргізушілердің бірінің соқтығысты болдырмау үшін рөлді бұрғаны, бірақ бұл әрекет “тізбекті реакцияға” себеп болып, кемінде басқа төрт көліктің “басқаруын жоғалтып, бірнеше рет аударылып кеткені” айтылды.
Полиция “Осылайша апат болған барлық көліктегі жолаушыларды қосқанда 63 адам қаза тапты және көптеген адам жарақат алды,” - деп мәлімдеді.
Жараланғандар Киряндонго ауруханасына және жақын маңдағы басқа медициналық орталықтарға жеткізілген. Алайда жарақат алғандардың нақты саны мен жағдайы туралы қосымша ақпарат берілген жоқ.
