Жапония метеорологиялық агенттігі елдің батысында 6,2 балдық қуатты жер сілкінісі болғанын, бірақ цунами қаупі жарияланбағанын хабарлады.

Жер сілкінісі сейсенбі күні жергілікті уақытпен сағат 10:18-де (Гринвич бойынша 01:18) Симанэ префектурасының шығыс бөлігінде шамамен 10 шақырым (6,2 миль) тереңдікте тіркелді. Қазіргі уақытқа дейін қаза болғандар туралы ақпарат түскен жоқ.

“Kyodo” ақпарат агенттігінің хабарлауынша, бұдан кейін қуаты азырақ афтершоктар да тіркелген. “Chugoku Electric Power Co.” компаниясының мәлімдемесіне сәйкес, Мацуэдегі Симанэ атом электр станциясында алғашқы сілкіністен кейін ешқандай ауытқу анықталмаған.

Сондай-ақ билік өкілдері электр қуатының үзілуіне байланысты Жапонияның батысындағы жүрдек пойыздардың қозғалысын тоқтатты. Атап айтқанда, “Sanyo Shinkansen” желісінің Окаяма мен Хиросима станциялары арасындағы қатынас уақытша тоқтатылды.