Кремль Ресей Президенті Владимир Путиннің Украина Президенті Владимир Зеленскиймен кездесуі мүмкіндігін екенін мәлімдеді, бірақ бұл тек екі ел арасында белгілі бір келісімдерге қол жеткізілген жағдайда ғана жүзеге асады.
Кремльдің баспасөз хатшысы Дмитрий Песков Ресей тарапынан қандай келісімдер талап етілетінін нақтыламады. Путин мен Зеленский соңғы рет 2019 жылдың желтоқсанында кездескен болатын.
Тоғыз бейбіт тұрғын қаза тапты
“Ресейдің дроны Украинадағы Сумы облысының солтүстік-шығысында жолаушылар автобусына соққы беріп, тоғыз адам қаза тауып, төрт адам жарақат алды”, -деп хабарлады украиналық шенеуніктер.
Бұл шабуыл Мәскеу мен Киевтің бірнеше жылдан кейінгі алғашқы тікелей бейбіт келіссөздерінен бірнеше сағат өткен соң болды, бірақ бұл келіссөз атысты тоқтату туралы келісімге әкелмеді.
«Бұл Ресейдің тағы бір соғыс қылмысы — ешқандай қауіп төндірмеген азаматтық көлікке әдейі жасалған соққы», — деп мәлімдеді Сумы облысының әкімшілігі “Telegram” желісіндегі хабарламасында.
Сумы әскери басшылары Билопилля қаласының маңында Сумыға қарай бара жатқан автобустың нысанаға алынғанын хабарлады.
Сумы облысы наурыз айынан бері Мәскеудің күшейтілген шабуылдарына ұшырап келеді. Бұл украиналық күштер 2024 жылдың жазынан бері бақылап отырған Ресейдің Курск облысынан шегінуге мәжбүр болғаннан кейін басталды.
Жұма күні де Ресейдің Донецк пен Херсон облыстарына жасаған соққыларынан үш адам қаза тапты.
Ең ірі тұтқын алмасу
Украина мен Ресей арасындағы Стамбулдағы тікелей келіссөз 1 000 тұтқынды алмастыру туралы нақты келісіммен аяқталды.
Алайда үш жылдан астам уақытқа созылған, Украинаның үлкен аумақтарын қиратқан және миллиондаған адамды қоныс аударуға мәжбүр еткен қақтығысты тоқтату бойынша айтарлықтай ілгерілеу белгілері байқалмады.
Ресейдің бас келіссөзшісі Владимир Мединскийдің айтуынша, екі тарап «болашақта атысты тоқтату туралы өз көзқарастарын ұсынатындарын» мәлімдеді.
Украинаның бас келіссөзшісі, Қорғаныс министрі Рүстем Умеров «келесі қадам» Украина Президенті Владимир Зеленский мен Ресей Президенті Владимир Путиннің кездесуі болатынын айтты. Ресей бұл өтінішті назарға алғанын мәлімдеді.
