«Ozon» компаниясының жазбаша мәлімдемесінде Орынбор мен Уфадағы логистикалық нысандарға түнгі уақытта дрондармен шабуыл жасалғаны айтылды.

Мәлімдемеде нысандардағы барлық қызметкердің эвакуацияланғаны және алдын ала мәлімет бойынша зардап шеккендер жоқ екені айтылды.

Шабуылдан кейін нысандарда өрт шықпаған. Орынбордағы логистикалық орталық өз жұмысын қайта бастады.

Ал Уфадағы логистикалық орталыққа аздаған зақым келген. Нысан егжей-тегжейлі тексеру жүргізу үшін уақытша жабылды.

Соңғы уақытта Украина Ресейдің «Wildberries» және «Ozon» электрондық сауда платформаларына тиесілі қоймалар мен логистикалық нысандарға жиі шабуылдауда.