Кения Азаматтық авиация басқармасы (KCAA) Кения жағалауынан ұшқан шағын ұшақтың апатқа ұшырағанын және бортта болған 12 адамның қаза тапқан болуы мүмкін екенін хабарлады.

Туристер көп жиналатын Дианиден Масаи Мара ұлттық саябағындағы жеке ұшу алаңы Кичва Тембоға бет алған ұшақ сейсенбі күні жергілікті уақытпен таңғы 5:30-да (02:30 GMT) құлаған.

“KCAA” мәлімдемесінде ұшақта 12 жолаушы болғаны айтылған.

Үкіметтік органдардың оқиға орнында жұмыс істеп жатқаны хабарланды.

Тамыз айында “Amref” медициналық көмек ұйымына тиесілі жеңіл әуе кемесі ел астанасы Найробидің маңында құлап, алты адам қаза тауып, екі адам жараланған болатын.