Берлинде 20 мыңнан астам адам Газа секторындағы Израильдің геноцидіне наразылық білдіру үшін жиналды.

«Газадағы геноцидті тоқтатыңдар» атты шарада сенбі күні сөз сөйлегендер Палестина аймағындағы Израильдің әскери шабуылына қарсылықтарын білдірді.

“Pink Floyd” группасының бұрынғы әншісі Роджер Уотерс жиналғандарға жіберген бейнехабарламасында «Біз бүгін осында Палестинадағы бауырларымызды қолдау үшін жиналдық. Әлемнің түкпір-түкпіріндегі қарапайым адамдардың басым көпшілігі Израильдің жасап жатқан сұмдық қылмыстарын тоқтатуды талап етуде. Бұл тек Газада ғана емес, басып алынған Палестинаның басқа да аймақтарында болып жатыр», – деді.

Израильдің геноцидтік соғысы

2023 жылдың қазан айынан бері Израильдің Газадағы геноцидтік соғысында кемінде 64,803 палестиналық қаза тапты.

Солшыл-популистік “BSW” партиясының жетекшісі Сахра Вагенкнехт Германияның нацистік тарихына байланысты «оңшыл экстремистік (Израиль) үкіметті сөзсіз қолдау» деген қорытынды жасауға болмайтынын атап өтті.

“Керісінше, дұрыс сабақ – өз дауысыңды шығару. Германия тек бақылаушы емес, «қылмысқа серіктес»- деді ол. Сонымен бірге ол “Канцлер Фридрих Мерц Израильге қару-жарақ жіберу арқылы халықаралық құқықты «таптап жатыр», – деді.

Палестина туын көтерген наразылық білдірушілер Германияның Израильге қару-жарақ жеткізуін тоқтатуын талап етті.