АҚШ Орталық қолбасшылығы (CENTCOM) Иранға қарсы алты күн қатарынан жалғасқан шабуылдар легінің соңғы кезеңі кеше түнде аяқталғанын хабарлады.
CENTCOM жариялаған жазбаша мәлімдемеде: «CENTCOM АҚШ-тың Шығыс жағалауы уақытымен сағат 21:40-та басталған Иранға қарсы соңғы ауқымды шабуыл толқынын аяқтады», – делінген.
Мәлімдемеде АҚШ-тың Иранның жағалауды бақылау және әуе қорғанысы позициялары, әскери логистикалық инфрақұрылымы мен теңіздегі әскери мүмкіндіктері сияқты әскери нысандарға жойғыш ұшақтар, ұшқышсыз ұшу аппараттары және әскери кемелер арқылы соққы бергені хабарланды.
Мәлімдемеде қазіргі уақытта Таяу Шығыста 50 мыңнан астам америкалық әскери қызметкердің қызмет атқарып жүргені хабарланды.
Бұған дейін CENTCOM Түркия уақытымен кеше сағат 21:00-де Иранға қарсы жаңа әуе шабуылдары толқыны басталғанын мәлімдеген болатын.
Иран бұқаралық ақпарат құралдарының хабарлауынша, АҚШ армиясының жаңа шабуыл толқынын бастағаны туралы мәлімдемеден кейін Ираншехр әуежайы, Хамидие қаласы және Бендер-Аббас қаласындағы көпір нысанаға алынған.
