«FIFA» президенті Джанни Инфантино АҚШ пен Израильдің Тегеранға қарсы соғысы жалғасып жатса да, Иранның 2026 жылғы әлем чемпионатына «міндетті түрде» қатысатынын мәлімдеді.
«Иран міндетті түрде келеді. Ол уақытқа дейін бейбітшілік орнайды деп үміттенеміз, бұл сөзсіз көмектеседі», – деді Инфантино «CNBC» телеарнасына берген сұхбатында.
Маусым айында АҚШ-та өтетін матчтарға қатысты ол: «Иран келуі тиіс. Олар өз құқықтарын қорғайды. Іріктеуден өтті, ойыншылар ойнағысы келеді», – деді.
«Спорт саясаттан тыс болуы керек. Егер байланыс орнатуға және оны сақтауға сенетін басқа ешкім болмаса, біз мұны қолға аламыз», – деп қосты ол.
Бұл мәлімдеме Мексика Иранның барлық матчтарын АҚШ-тың оңтүстігіндегі көрші елге көшіру туралы «FIFA»-ның ұсынысын қабылдамағанын растағаннан кейін жасалды.
Иранның турнирге қатысуы 28 ақпанда басталған АҚШ пен Израиль арасындағы соғысқа байланысты күмән тудырған еді.
Иран 2025 жылдың наурызында Өзбекстанмен 2:2 есебімен тең ойнап, 2026 жылғы әлем чемпионатына жолдама алған болатын.
АҚШ, Мексика және Канада бірлесіп өткізетін әлем чемпионаты 11 маусымда басталады.
Алайда Иран «G» тобындағы барлық матчтарын яғни Бельгия, Мысыр және Жаңа Зеландия құрамаларына қарсы ойындарын АҚШ-та өткізбек.
«FIFA»-ның ресми сайтындағы ақпаратқа сәйкес, Иран 15 маусымда Лос-Анджелес стадионында Жаңа Зеландиямен, 21 маусымда Бельгиямен және 26 маусымда Сиэтл стадионында Мысырмен кездеседі.
