АҚШ президенті Дональд Трамп пен Украина президенті Владимир Зеленский өткен жұма телефон арқылы сөйлесті. «Телефон әңгімесінде Украинаның АҚШ-тағы елшісі Оксана Маркарованы ауыстыру мәселесін талқылады»,- деп хабарлады дүйсенбі күні «Bloomberg».

Елші лауазымына министрлер кабинетінің мүшелері қарастырылуда

Ақпаратқа қарағанда Зеленский Украина Сыртқы істер министрлігіне АҚШ шенеуніктерімен байланысуды сұраған.

Маркарованың орнына ықтимал үміткерлер арасында Украинаның жоғары лауазымды шенеуніктері, оның ішінде премьер-министр Денис Шмыхал, вице-премьер Ольха Стефанишина, Қорғаныс министрі Рүстем Умеров және Энергетика министрі Герман Галущенко бар.

Бұрынғы Қаржы министрі Маркарова 2021 жылдың ақпанынан бері Украинаның АҚШ-тағы елшісі қызметін атқаруда.

Зеленский: «Біздің ең нәтижелі кездесуіміз»

Президент Зеленский «X» платформасындағы мәлімдемесінде Трамппен кездесуін «өте маңызды және нәтижелі» деп сипаттап, бұл телефон әңгімесі екі көшбасшы арасындағы «ең жақсы» телефон әңгімесі болғанын айтты.

Украина билігі «Bloomberg» хабарына қатысты ресми мәлімдеме жасаған жоқ.