Бейжің тарапынан жасалған ресми мәлімдемеге қарағанда Иранның Сыртқы істер министрі Аббас Аракчи сәрсенбі күні Қытайға бір күндік сапармен барады.

Аракчидің Қытайдың Сыртқы істер министрі Ван Имен кездесу үшін жасалатын Бейжіңге сапары Иран мен АҚШ арасындағы тікелей және жанама ядролық келіссөздер жүріп жатқан уақытта өтуде. Бейжіңдегі Сыртқы істер министрлігі бұл сапардың Ван Идің шақыруымен жүзеге асатынын мәлімдеді.

Тегеран мен Вашингтон екі рет келіссөздер өткізді: алдымен Оманның астанасы Маскатта, кейін Италияның астанасы Римде. Трамп әкімшілігі екі тараптың "өте жақсы ілгерілеушілік" жасағанын айтса, Аракчи бұл келіссөздерді "құрылымды және жақсы" деп сипаттады. Тегеран мен Вашингтон сенбі күні Оманда үшінші келіссөздерін өткізеді.

13 сәуірде Маскатта басталған жанама ядролық келіссөздер Иранның ядролық бағдарламасына арналады. Екі тарап Оман арқылы байланысады.

АҚШ президенті Дональд Трамп 2015 жылы Обама әкімшілігі кезінде жасалған ядролық келісімді алмастыратын жаңа келісімге қол жеткізілмесе, Иранға қарсы әскери әрекет жасауға дайын екенін ескертті. Алайда Тегеран Вашингтонмен "қоғам алдында келіссөздер жүргізбейтінін" қатаң түрде мәлімдеді.