Түркия президентінің жұбайы Емине Ердоған Израильдің Газадағы геноцидінің екі жылдығында сөз сөйлеп, Израильді бүкіл әлемнің көз алдында палестиналықтарды жоюға тырысып жатыр деп айыптады.

Емине Ердоған  «Nsosyal» әлеуметтік желісіндегі жазбасында: «Адамгершілік бағдарын жоғалтқан бір мемлекет әлемнің көз алдында Палестина халқын жоюға ұмтылуда. Алайда зұлымның зұлымдығы артқан сайын геноцидке қарсы біріккен халықтың үні де күшеюде», - деді.

Ердоған соңғы екі жылда Газаның 67 160 жазықсыз адам, соның ішінде 20 мыңнан астам бала қаза тапқан, адамзаттың ар-ожданы жойылған жерге айналғанын айтты. Сондай-ақ Израиль шабуылдарында адамгершілік, құқықтық және этикалық шекара қалмағанын  атап өтті.

Ердоған қоршаудағы аймаққа бағытталған соңғы Жерорта теңізіндегі гуманитарлық флотилияға сілтеме жасап, «Әлемнің түкпір-түкпірінен келген белсенділер әуеден, құрлықтан және теңізден Газа үшін күш біріктіруде. Ар-ожданы бар барлық адамды әділ әрі тұрақты бейбітшілік орнағанша Палестина үшін бірлікке шақырамын.
Израиль шабуылдарында шейіт болған палестиналық бауырларымызды мейіріммен еске алып, Жаратқаннан Палестина халқы үшін жеңіс пен тыныштық тілеймін», - деді.

Жазбада Емине Ердоғанның Газаға қатысты бұрынғы мәлімдемелерінен үзінділер мен аймақтағы жағдайды бейнелейтін видео да қамтылған.