Түркия мен Біріккен Араб Әмірліктері (БАӘ) арасындағы Африка бойынша екінші кеңес кездесуі дүйсенбі күні Абу-Дабиде өтеді. Бұл туралы Түркияның Сыртқы істер министрлігі хабарлады.

Түркияның Сыртқы істер министрінің орынбасары Бурханеттин Дуран мен БАӘ-нің Сыртқы істер жөніндегі мемлекеттік министрі Шахбут бин Нахаян Әл Нахаян кеңесуге тең төрағалық етеді.

Келіссөз Африкадағы жағдайды талқылап, құрлықтағы экономика мен инвестициялар саласындағы ықтимал ынтымақтастық бағыттарын зерттеуге бағытталады.

Африка бойынша тұрақты кеңесу өткізу туралы шешім 2022 жылдың ақпан айында Президент Режеп Тайып Ердоғанның БАӘ-ге сапары кезінде екі елдің сыртқы істер министрлерінің кездесуінен кейін қабылданған болатын.

Осы келісімнен кейін Түркия мен БАӘ арасындағы Африка бойынша алғашқы кеңесу 2023 жылдың 10 қазанында Анкарада өткізілген еді.