24 сағат ішінде әлемнің әртүрлі аймақтарында магнитудасы 5-тен асатын үш жер сілкінісі тіркелді. Бұл жер сілкіністері Оңтүстік Америка, Орталық Америка және Оңтүстік Азия аймақтарын шайқады.

Сәрсенбі күні Аргентинаның Ла-Риоха уәлаятында магнитудасы 5.7 болатын жер сілкінісі болды. “Оның тереңдігі 122 километр болды” деп хабарлады Германияның Геозерттеу орталығы.

Коста-Рикада магнитудасы 6.0 болатын жер сілкінісі тіркелді. Оның тереңдігі 31 километр болғанын Еуропа-Жерорта теңізі сейсмологиялық орталығы мәлімдеді.

Ауғанстанның Гиндукуш аймағында магнитудасы 5.1 болатын жер сілкінісі тіркелді. Оның тереңдігі 244 километр болды. Бұл сілкініс ел астанасы Кабулда қатты сезілді.